Azərbaycan Respublikası Mədəniyyət Nazirliyinin təşkilatçılığı ilə 2023-cü il noyabrın 11-dən 15-dək Bakı Ekspo Mərkəzində Ümummilli Lider Heydər Əliyevin100 illik yubileyinə həsr olunan 9-cu Bakı Beynəlxalq Kitab Sərgisi keçirilmişdir.

Azərbaycan Respublikası Əqli Mülkiyyət Agentliyinin tabeliyində olan Respublika Elmi-Texniki Kitabxanası tərəfindən sərgidə İdarə Heyətinin sədri professor Kamran İmanovun müəllifi olduğu əsərləri, həmçinin elm, texnika və sənayenin müxtəlif sahələrini - statistika, tarix, memarlıq, ekologiya, informasiya texnologiyaları, təbiət elmləri, riyaziyyat, fizika, kimya, geologiya, neft, energetika, maşınqayırma, elektrotexnika, maşınqayırma cihazları, müəssisələrin idarə edilməsi, kənd təsərrüfatı, yüngül sənaye, inşaat materialları, ədəbiyyat və digər sahələri özündə əks etdirən kitab və jurnallar nümayiş olunmuşdur.