Bakı Ali Neft Məktəbində kitabxanaların rəqəmsal inkişafına həsr olunmuş seminar keçirilib

Bakı Ali Neft Məktəbində “Rəqəmsal transformasiyaların müasir kitabxanaların inkişafında rolu” mövzusunda seminar keçirilib. Seminarda Agentliyin tabeliyində olan Respublika Elmi-Texniki Kitabxanasının əməkdaşları iştirak edib. Tədbirin açılışında çıxış edən Bakı Ali Neft Məktəbinin rektoru Elmar Qasımov qonaqları salamlayaraq bu cür tədbirlərin kitabxanaların inkişafında təcrübə mübadiləsi baxımından mühüm əhəmiyyət daşıdığını vurğulayıb. Rektor mütəmadi olaraq belə görüşlərin keçirilməsinin vacibliyini bildirib. Seminar çərçivəsində “Kitabxana əməkdaşları üçün rəqəmsal bacarıqların artırılması – təlimlər, kurslar və ixtisasartırma proqramları”, “Yeni texnologiyaların kitabxana fəaliyyətinə inteqrasiyası”, “Elektron resursların istifadəsində müəllif hüquqları və iqtisadi tənzimləmələr” mövzularında müzakirələr aparılıb.