Respublika Elmi-Texniki Kitabxanasının Gəncə filialında 23 aprel – Ümumdünya Kitab və Müəlliflik Hüququ Günü münasibətilə kitab sərgisi təşkil olunub

Biliklərin yayılması və qorunması, mədəni ənənələrin inkişafı və dərk edilməsində kitabların və kitab müılliflərinin rolu danılmazdır. Hər il Kitab Günündə mütaliə aksiyaları , kitab sərgiləri mütəmadi olaraq təşkil olunur. Azərbaycan Respublikası Əqli Mülkiyyət Agentliyinin tabeliyində olan Respublika Elmi-Texniki Kitabxanasının Gəncə filialında 23 aprel Ümumdünya Kitab və Müəlliflik Hüququ Günü münasibətilə sərgi keçirilib. Sərgidə qədim mətnlər, erməni saxtakarlığı, müəllif hüquqları, sənaye mülkiyyəti mövzusunda kitablarla yanaşı elm və texnikanın müxtəlif sahələrinə aid yeni nəşrlər nümayiş olunub. Sərgilənən ədəbiyyatla Antiinhisar və İstehlak Bazarına Nəzarət Dövlət Agentliyi 12 saylı regional bölməsinin və Azərbaycan Metrologiya İnstitutu PHŞ-nin 8 saylı regional bölməsinin mütəxəssisləri yaxından tanış olublar.