Azərbaycan Respublikası Əqli Mülkiyyəti Agentliyinin tabeliyində olan Respublika Elmi-Texniki

Kitabxanasında (RETK) 20 yanvar faciəsinin 35 illiyinə həsr edilmiş sərgi və tədbir keçirilmişdir. Sərgidə bu

qanlı faciəni özündə əks etdirən azərbaycan , rus və ingilis dilində ədəbiyyat nümayiş etdirilmişdir.

Tədbirdə RETK-nın direktoru Mübariz Məmmədli çıxış edərək qeyd etmişdir ki, 1990-cı il yanvar

ayının 19-dan 20-nə keçən gecə Azərbaycan xalqına qarşı törədilmiş misli görünməyən qəddarlıq

nəticəsində günahsız insanlar öldürülmüş, xəsarət almış və həbs edilmişdir. Ölkəmizə qarşı ərazi iddiaları

irəli sürən erməni təcavüzkarlarının və onların havadarları olan SSRİ rəhbərliyinin mövqeyinə öz etirazını

bildirmək üçün küçələrə çıxan əliyalın insanlar xüsusi amansızlıqla qətlə yetirilmişdilər.Lakin bununla

Azərbaycan xalqının mübarizə əzmini qıra bilməmiş, bundan sonra atdığı addımlarını daha da

möhkəmləndirmişdir.

1990-cı il yanvarın 20-də Azərbaycan müstəqilliyi və azadlığı uğrunda ilk şəhidlərini verdi. Bu gün

Azərbaycan tarixinin qəhrəmanlıq səhifəsi kimi qəbul edilmişdir. Çıxışının sonunda M.Məmmədli

demişdir: “ Qazanılan zəfərlər itkisiz ötüşmür, 2020-ci ildə baş vermiş 44 günlük müharibədə işğal altında

olan torpaqlarımız geri alındı və Azərbaycan tarixində şanlı qələbə səhifəsi yazıldı. Ali Baş Komandan

Cənab İlham Əliyevin siyasi strategiyası, rəşadətli Azərbaycan Ordusunun dəmir iradəsi və qüdrətli xalq

birliyinin nəticəsi olaraq ərazi bütövlüyümüz bərpa oldu. “

Tədbirin sonunda rejissor Elxan Cəfərovun çəkdiyi “20 yanvarda doğulanlar” adlı bədii-sənədli film

izlənilmişdir.