İyulun 22 -də Azərbaycan Respublikası Əqli Mülkiyyət Agentliyinin tabeliyində olan Respublika Elmi-Texniki Kitabxanasında Milli Mətbuat Gününə həsr olunmuş sərgi keçirilib.

Qeyd edək ki, 1875 - ci il iyulun 22 - də Həsən bəy Zərdabi tərəfindən "Əkinçi" qəzetinin nəşr edilməsi ilə Azərbaycanda Milli mətbuat və jurnalistikanın əsası qoyulub. 149 il əvvəl Həsən bəy Zərdabinin başlatdığı yol Azərbaycanın gələcək taleyinə böyük təsir göstərib. Məhz H.B. Zərdabi və "Əkinçi" qəzetindən başlanan yol sonra Azərbaycan Xalq Cümhuriyyətinin yaranmasına təkan verib.